Vere resurrexit.

Alleluia, alleluia, alleluia.

O filii et filiae,
Rex coelestis, Rex gloriae,
Morte surrexit hodie,
Alleluia.

Et Maria Magdalene,
Et Jacobi, et Salome,
Venerunt corpus ungere,
Alleluia.

In albis sedens Angelus
Praedixit mulieribus,
In Galilea est Dominus.
Alluluia.

A Magdalena moniti,
Ad ostium monumenti
Duo current discipuli.
Alleluia.

Sed Johannes Apostolus
Cucurrit Petro citius,
Monumento venit prius.
Alleluia.

Discipulis adstantibus,
In medio stetit Christus,
Dicens: Pax vobis omnibus.
Alleluia.

Postquam audivit Didymus
Quia surrexerat Jesus,
Remansit fide dubius.
Alleluia.

Vide Thoma, vide latus,
vide pedes, vide manus,
Noli esse incredulus.
Alleluia.

Quando Thomas vidit Christum,
Pedes, manus, latus suum,
Dixit, Tu es Deus meus.
Alleluia.

Beati qui non viderunt,
Et firmiter credidefunt,
Vitam aeternam habebunt.
Alleluia.

In hoc festo sanctissimo
Sit laus et jubilatio!
Benedicamus Domino.
Alleluia.

De quibus nos humillimas
Devotas aeque debitas
Deo dicamus gratias.
Alleluia.

Alleluia, alleluia, alleluia.